العلم هو القوة

- كانوا يتفاخرون ويقولون لما واتتنا الظروف المناسبة "سحقنا" الجزائر بأربعة أهداف .. فها هى الظروف نفسها بعد يومين ولكن الحكم تغير ويبدو أنه غير مرتش ولم يأتوا إلا بهدف يتيم فى الدقيقة الأخيرة بعدما عجزوا طوال الشوطين وكادوا يخرجون بتعادل سلبى.

- الصحف القومية كالأهرام والجمهورية تقول بخشونة الجزائر وكذلك جرائد المعارضة كالعربى والكرامة .. يعنى كما يقول المثل تافين فى بق بعض .. أمال معارضة إيه بقى ؟

باختصار مصر الرسمية والشعبية مش قابلة حد غيرها من العرب أو الأفارقة يتأهل للمونديال أو للأمم الأفريقية .. عايزة تكوش على كل حاجة وتبطط أى حد غيرها يرفع راسه .. تصوروا لما كاس الأمم الأفريقية ما تكسبش فيه دايما إلا دولة وحيدة متتغيرش هى مصر ألا يثير ذلك الشكوك .. أمال هى بطولة أمم إزاى إن كانت الدول دى مجرد كومبارس بس عشان تتفبرك قانونى الظاهر بيتعاملوا مع الكورة زى الانتخابات.

- كل شئ إن زاد عن حده انقلب لضده .. أما تشبهوا لعيبة الكرة بأهل الكهف وتقولوا إنهم فتية آمنوا بربهم وتسموهم منتخب الساجدين ويتكلم خالد الجندى المشعوذ ويقول انا استدعيت الأولياء وقالوا لى الكلمة اللى هتكسب مصر الماتش يبقى المسالة ما بقتش رياضة .. إش أخشش الرياضة فى الدين .. وأما تيجى واحدة اسمها سحر غريب فى النيل الثقافية فى معرض الكتاب ومؤلفة كتاب اسمه حماتى ملاك وبعدين تفتى هى والمذيعة فى الكورة و تسئ للجزائر يبقى لازم نقول استوب بقى .. دخلتم الكورة فى الثقافة .. وبعدين الرياضة أنواع منها رياضة ذهنية زى الشطرنج والرياضيات وفيه رياضة بدنية غير الكورة زى الألعاب الاولمبية السباحة وغيرها إشمعنى ماسكين فى الكورة .. ده أبطالنا فى الألعاب التانية مش لاقيين دعم مادى ولا معنوى ولا رسمى ولا شعبى.

ودخلتم الوطنية فى الكورة بقى اللى مبيشجعش فريقكم أو يهلل ويحط العلم على البلكونة بقى خائن للوطن وأسأتم بسبب الكورة لعلاقات كاملة مع دولة عربية شقيقة وبقيتم تقولوا لو إسرائيل لاعبتها هنشجع إسرائيل فيه أكتر من كده قلة أدب وسفالة .. وبقيتم تمنوا وتؤذوا هذه الدولة والقرآن بيقول لا تبطلوا صدقاتكم بالمن والأذى أمال عاملين متدينين إزاى ولا بتاخدوا من الدين اللى على مزاجكم بس.

طب ما دام منتخب الساجدين هوه اللى بيكسب بس امال ليه منتخبات البرازيل وغيرها من الدول غير المسلمة بتكسب فى الكورة برضه وبتوصل لكاس العالم وانتم ما بتوصلوش معناها إن انتم بتحشروا الدين وخلاص فى الهيافة الكروية.

ماشى خلى الناس تفرح بس على قدها من غير ما تزعج غيرها ومن غير شغل جنان ومن غير ما اشتم فى الفريق المنافس .. حسن شحاتة ده بيقول الجزائر ما كانتش تستحق توصل لكاس العالم يعنى لا منكم ولا كفاية شركم .. عايزين تكوشوا على كل حاجة كفاية عليكم كاس أفريقيا لازم تاخدوا كل حاجة يعنى إيه الأنانية دى.

وإيه كمية الأعلام اللى اتباعت دى .. اللى يشوفكم وانتم شايلينها ونازلين بالرق والتارة طول الليل والكلاكسات يقول رايحين تحرروا فلسطين ولا العراق .. مش تحتفلوا بماتش كورة .. يا شيخ لا مؤاخذة يعنى اتوكسوا .. مفيش واحد فيكم عاقل وراسى يعنى .. الواحد طهق منكم ومن تصرفاتكم.

المثقف مظلوم ومهضوم ومهمل فى البلد دى والجهلة من لعيبة الكورة والممثلين والرقاصات هما اللى واكلينها والعة وبياخدوا ملايين وانتم مش لاقيين.

قعدنا نقول وننصحكم ما تخللوش النظام يضحك عليكم ما تخللوش قنواته الأرضية والفضائية والخاصة وجرائده تضحك عليكم وتحرضكم على أشقائكم وتقربكم من أعدائكم ولا فايدة طب يعنى نعمل لكم إيه يعنى ؟

إنما عشان تعصب كروى بغيض نهاجم العروبة والقومية و لو كانت الدولة إيران ولا اندونيسيا مثلا مش الجزائر كنا هاجمنا العالم الإسلامى ولو كانت الدولة دولة افريقية كنا هاجمنا الافارقة يبقى عيب أوى بصراحة ونبقى بنخدم الاستعمار الأمريكى والصهيونى عن طيب خاطر تبقوا مجرمين وحرام عليكم.

حرام عليكم تقوقعوا مصر وتقطعوا صلاتها مع العالم العربى والإسلامى والافريقى مهما كانت الأسباب وتقربوها فى الوقت نفسه من إسرائيل وأمريكا .

الواحد دلوقتى بيتمنى الفريق المصرى ده يتغلب عشان يمكن الشعب يفوق من اللى هوه فيه لكن لما اتغلب قعدوا يشتموا شتيمة فى الجزائر واتبلوا عليها

- ومش معنى إن مصر أم الدنيا وهوه للعلم لقب أطلق على القاهرة خصوصا لكبر مساحتها مش على الدولة ككل .. مش معنى إنها أم الدنيا يبقى تحقد على العرب أو تتنصل من العروبة والقومية أو العالم الإسلامى والأفريقى .. المطلوب بس إن إحنا منقعدش نمن على الدول العربية لأن المن حرام شرعا ولأن اللى الزعيم جمال عبد الناصر عمله للعرب كان عن طيب خاطر ولمصلحة مصر قبل كل شئ بسبب الدوائر الثلاثة الاستراتيجية الشهيرة الخاصة بمصر .. وحتى يا أخى لو مصر عملت وسوت الهوايل للعرب المن عيب لأنه بيؤذى مشاعر الممنون عليه وبيملاه بالكراهية تجاه المنان واصلا .. المنان من أسماء الله يعنى يجب ألا ننازعه المن هوه وحده الذى يمن على الناس بنعمه .. وبعدين ليه التفاخر وحب الزعامة .. حتى يا ريت مصر زعيمة صحيح على كل العرب .. ده السعودية بتعامل المصرى كأنه عبد وياما اتجلد وأهين مصريين فيها ومع ذلك لم يحرك أحد ساكنا رسميا ولا شعبيا .. ونروح بعيد ليه الجنود المصريين اللى بتقتلهم إسرائيل كل يوم ولا حدش بيتحرك .. ولا مصر بس بتتشطر على الغلابة.

شوف المسلسلات السورية وشوف المكتبات اللبنانية والسورية وقارن بالدراما المصرية والمكتبات المصرية .. وخلليك منصف .. قمر بنى هاشم .. ملوك الطوائف .. جبران خليل جبران .. نزار قبانى .. صلاح الدين الايوبى ..

وشوف مسلسل إيرانى مدبلج اسمه يوسف الصديق وقارن بمسلسلات مصر الدينية والتاريخية وحتى الاجتماعية وخلليك منصف .

ليه مش عايزين تعترفوا بمجهودكم غيركم من الدول العربية يعنى انتم البريمو والمبصرين وبقية العرب جهلة وعميان
نفسى ألاقى مصرى واحد منصف يعرف حق وقيمة دول الشام ودول المغرب العربى .. وبدل ما تحتقروا دول أفريقيا ساعدوهم ماليا ومعنويا ده المجاعات والاستعمار بياكل فيهم أكل.

- لدى إسرائيل - وهذه ظاهرة غريبة - هوس بوضع علمها على البيوت وتدليته من الشرفات وذلك لأنها تريد إثبات سيادتها على كل شبر من أرض فلسطين المغتصبة فهى كيان مشكوك فى شرعيته ومهدد دائما وغير معترف به من قبل العرب الممانعين للآن لذلك يشبع ذلك الهوس بالعلم حاجة نفسية لديها

لكن ما السبب فى الهوس الجديد الفجائى لدى المصريين بعلم مصر حقا فمن يتولهم منكم فإنه منهم .. مصر لا ينازعها أحد فى وجودها ولا حدودها ولا هى كيان دخيل ولا مسخ ولا غير معترف به ولا مهدد فى سيادته حتى يصيبه ذلك الهوس .. فيا أيها الشعب المصرى اعقل وأفق ولا تقلد الصهاينة

 

 

- عيبنا إننا دائما بنبرر كل حاجة غلط بنعملها ما دامت على مزاجنا .. أنا مش معترض على احترام علم مصر لكن كل شئ المبالغة فيه بتتقلب لضده .. إحنا لخبطنا الوطنية على الكورة على السياسة على الثقافة مع إن كل حاجة من دول لها مسار مستقل ولخبطتها على بعضها بتضرها جميعا.

هى لخبطة .. العلم أى علم لأى دولة بيتحط على السفارات ماشى وعلى المصالح الحكومية وعلى الوزارات وحتى على المدارس ويمكن على الأقسام إنما مبيتحطش على البلكونات ولا البيوت .. العلم بيتشال فى الحروب زى حرب أكتوبر مثلا وممكن يتشال لو انت مهاجر فى بلد تانية عشان تعرف الناس انك مصرى وفرحان إنما تشيله فى بلدك ليه مفيش احتياج لكده .. استعمال العلم فى غير موضعه دائما بيسبب إهانة العلم وإخراجه عن غرضه الصحيح .. وأنا لا أحبذ هوس الكرة عموما.

والكورة مش إثبات للوطنية ولا حاجة زى ما بيحاولوا يفهمونا .. دى مجرد لعبة .. ومش معنى إنى أشجع الجزائر أو تونس أو سوريا أو نيجيريا أو البرازيل أو ألمانيا ضد مصر فى ماتش كورة إن أنا خائن والكلام الفارغ ده .. كل واحد حر يشجع الفريق الكروى اللى يعجبه .. يعنى باختصار أنا ضد خلط الأمور ببعضها وضد المبالغة فى الفرح أو الحزن
لو شعبنا عاقل كان يتجاهل مثل هذه الأمور التافهة لأنها تقع من مهووسى الكرة والمفروض يكبر دماغه .. مثلا ما علم أمريكا بيتحرق كل يوم فى مظاهرات فى بلاد كتيرة فى العالم مع ذلك لا أمريكا بتقطع علاقتها مع البلاد دى ولا بتحط الأعلام فى كل مكان وعلى كل حال حتى لو العالم كله بيحط الأعلام فى البلكونات المفروض إحنا كشعب متحضر ما ننجرفش ورا التيار .. وبعدين ما تنساش إن إحنا اللى بدأنا بصراحة .. من أول نوفمبر ويمكن قبل كده اللى اسمه عمرو أديب قال كلام عيال كلام فارغ واتسافل على الجزائر فكان الرد هوه ده .. حرق العلم عادة ما بيكونش إهانة للبلد قد ما هو اعتراض على سياستها ..وبعدين مش لازم ننساق ورا إعلامنا وقنواتنا تقول ارفعوا العلم نرفع دول بيتاجروا بمشاعرنا وهما الكسبانين فى النهاية ماديا ومعنويا.

يعنى حتى الحكمة بتقول إن قابلك مجنون خده على قد عقله مش تتجنن زيه وعلى كل حال الموضوع ده خد أكبر من حجمه وخدنا شحن من التلفزيون والجرائد طول ثلاثة شهور لما تعبنا نفسيا .

يعنى العلم أهم ولا البنى آدم المصرى عندك مثال الطبيب اللى جلدوه فى السعودية وذلونا على ما أفرجوا عنه وبعد ما جلدوه فعلا وقبله ناس كتير والدولة عندنا والشعب والإعلام ولا اهتم لأن لهم مصالح فى السعودية ومبيقدروش عليها.

- لعن الله فرعون الذى ادعى الربوبية بملك مصر واستخف قومه فأطاعوه وهو الذى قال مستخفا بخصومه إن هم إلا شرذمة قليلون وادعى أن طريقته هى المثلى وأمره هو الرشيد

إله جديد اسمه مصر فأى نبى دجال كذاب هو رسول هذا الصنم؟ لا ليس نبيا دجالا واحدا بل جماعة من الأنبياء الدجالين منهم عمرو كوهين ومدحت شلبى والوريث وشقيقه وغيرهم

- اللئيم إذا غلب أهان المغلوبين ... تنطبق على حسن شحاتة فى سفالاته ضد الجزائر وإن كانت الكلمة عامة مش لحد معين .. أى واحد إذا انتصر سواء فى حرب أو كورة أو غيره وأهان منافسيه يبقى هوه اللئيم

- يقول أمير الشعراء أحمد شوقى وكأنه يصف حال الشعب المصرى الآن :

انظر الشعب جاهلاً كيف يوحون إليه

ملأ الجو هتافا بحياة قاتليه

انطلى الزور والبهتان عليه

يا له من ببغاء عقله فى أذنيه

 

- خدتم الأفيونة يا شعب مصر فوقوا بقى وشوفوا مين المستفيد من نومكم ده

ويقول على بن طلحة بن كردان النحوى :

يا بلدة فيها الغبى مكرم .. والعلم فيها ميت مقبور

ويقول الشيخ عبد القاهر الجرجانى :

كبر على العلم يا خليلى .. ومل إلى الجهل ميل هائم

وعش حمارا تعش سعيدا .. فالسعد فى طالع البهائم

ويقول ابن المعتز :

وحلاوة الدنيا لجاهلها .. ومرارة الدنيا لمن عقلا

ويقول أبو تمام :

أرى العلم بؤسى فى المعيشة للفتى .. ولا عيش إلا ما حباك به الجهل

ويقول المتنبى :

ذو العقل يشقى فى النعيم بعقله .. وأخو الجهالة فى الشقاوة ينعم

 

وفيما يلى بعض رسوم الكاريكاتير المنوعة :

 

 

 

معرض الوهابية الدولى للكتاب .. اليوم اكتسحت المكتبات الوهابية المعرض بلحاها ونقابها وكتبها المجلدة المنزوعة الدسم والملعوب فيها .. والتى لن تجد بينها كتب السيوطى ولا بردة البوصيرى ولا كتب الشعرانى ولا ابن عربى .. وانكمش وربما انعدم سوق الكتب المترجمة عن كافكا وجوجول ولينين

 

 

 

****

 

 

****

 

 

 

 

 

****

 

 

 

****

 

 

 

****

 

 

 

****

 

 

****

هديتنا للإعلام المصرى صورة لا قبلها ولا بعدها

 

 

****

 

بمناسبة التحالف المصرى السعودى الإسرائيلى الأمريكى ضد إيران المسلمة المناضلة

 

****

 

 

 

 

 

 

****

 

 

 

****

 

هذه الصورة لرسام كاريكاتير مصرى فى جريدة اليوم السابع رسام خان مبادئ مهنته وخان عروبته وإسلامه .. ويكشف الرسم عن عنجهية شديدة وفرعنة وجنون عظمة واحتقار للشعوب الأفريقية والعربية وعلى رأسها الشعب الجزائرى

 

 

Wapher | del.icio.us