العلم هو القوة

كلمات : سيد حجاب.

الأول نسمي ونصلي

علي النبي العربي الهادي

اللي هواه مهما حصل لي

بيخللي قلبي نبيل هادي

وبعد ما نصلي ع الزين

ليلتنا حلوة مِلالية

وإكمنكوا عليا عزين

هاحكيلكوا سيرة الهلالية

وهاقول على الأسمر أبو زيد

وهأعيد وأزيد

وبركات يا هلال يا سلامة ويا أبو زيد

أبو زيد

جاي من بعيد رايح بعيد

يا أبو زيد

ضوي في وريدنا في ليلنا قيد

أبو زيد

جاي نفحة من الماضي السعيد

يا أبو زيد

مد الخــُطـَى ومد لنا إيد

وبركات يا هلال يا سلامة ويا أبو زيد

كانوا الهلايل من قبله

هلاهيل قبائل وعشائر

والكل كان مترقب له

لحد ما بانت له بشاير

وهل زي العيد الجاي

من غير مواعيد

وبركات يا هلال يا سلامة ويا أبو زيد

حوالينا تعابين وعقارب

وإحنا مشارق ومغارب

أبو زيد ما بين الاتنين قارب

ورجع العز الغارب

عاد عقد لولينا المنتور

معقود عناقيد عناقيد

كلمات : سيد حجاب.

وأبو زيد هيفضل معانا

يا دنيا يا مجمعانا

ما هي ندهته مسمعانا

وغنوته مجمعانا

أبو زيد هيفضل معانا

حتي إن زمانا ساهانا

وخاننا ولا لاهانا

نلقاه أتانا ونهانا

عن الزلل والمهانة

وللمعاني دعانا

وأبو زيد هيفضل معانا

يا دنيا يا مجمعانا

ما هي ندهته مسمعانا

وغنوته مجمعانا

أبو زيد هيفضل معانا

وإن جاتنا أيام جبانة

صايبانا ومعصبانا

ولو سبانا غبانا

وأبو زيد هيفضل معانا

يا دنيا يا مجمعانا

ما هي ندهته مسمعانا

وغنوته مجمعانا

أبو زيد هيفضل معانا

أبو زيد جمالنا وأملنا

هواه شملنا بكمالنا

وجاهنا ضايع ومالنا

لو يوم لذكراه هملنا